Ərdoğan: Türkiyə Formula 1-ə böyük dəyər qatacaq

Türkiyə Prezidenti Rəcəb Tayyib Ərdoğan bildirib ki, Türkiyə Formula 1 yarışlarına ev sahibliyi etməklə bu nüfuzlu idman növünə böyük dəyər qatacaq. Onun sözlərinə görə, ölkənin bu sahədə potensialı kifayət qədər yüksəkdir.

Dövlət başçısı qeyd edib ki, Türkiyənin müasir infrastrukturu və beynəlxalq tədbirlərin təşkili sahəsində qazandığı təcrübə yarışların yüksək səviyyədə keçirilməsinə imkan verir. Bu isə həm iştirakçılar, həm də tamaşaçılar üçün daha keyfiyyətli mühit yaradır.

Ərdoğan vurğulayıb ki, Formula 1 kimi qlobal yarışların keçirilməsi Türkiyənin beynəlxalq imicinə müsbət təsir göstərir, turizmin inkişafını sürətləndirir və iqtisadi fəallığı artırır. O əlavə edib ki, ölkə gələcəkdə də bu cür iri idman tədbirlərinə ev sahibliyi etməyə davam edəcək.

TRT Haber
Ayşə Müzəfərli