Rusiya ordusu “Tor” hava hücumundan müdafiə sistemlərini sınaqdan keçirəcək

“Tor M2U” yaxın mənzilli quru-hava sistemləri təyyarələr, gəmilər, idarə olunan raketlər,həmçinin pilotsuz aparatlar tərəfindən edilən hücumu dəf etmək üçün dizayn edilib.

İnterAz “Ria Novosti”yə istinadən xəbər verir ki, sistem 40 hava hədəfini eyni zamanda aşkar edə bilir. Rusiya Ordusunun Uzaq şərq Primorski ərazisinin Şərqi hərbi rayonunun sözçüsü polkovnik Aleksandr Qordeyev bu haqda məlumat verib.

“Şərqi Hərbi rayonun motoatıcı alayının hava hücümundan müdafiə qüvvələri “Tor M2U”nu ilk dəfə olaraq mart ayında sınaqdan keçirəcək”,- Gordeyev jurnalistlərə açıqlamasında deyib.