Rusiyanın neft və qaz gəlirləri iki dəfə azalıb

Rusiya Maliyyə Nazirliyi yanvar ayında neft və qaz gəlirlərinin ötən ilin eyni ayı ilə müqayisədə 50,1 faiz azalaraq 393 milyard rubla (təxminən 5 milyard dollar) düşdüyünü bildirib.

Nazirlik bildirib ki, neft qiymətlərinin düşməsi və rublun xarici valyutalara qarşı dəyər qazanması ölkənin enerji ixracı gəlirlərinin azalmasına səbəb olub. Bəyanatda neft və təbii qaz gəlirlərinin itkisinin planlaşdırılandan daha çox olduğu və yanvar ayında gəlirlərin ötən ilin eyni ayı ilə müqayisədə 50,1 faiz azalaraq 393 milyard rubla düşdüyü qeyd olunub.
Qərb ölkələri Rusiyanın neft və təbii qaz sektoruna qarşı hərtərəfli sanksiyalar tətbiq edərkən, Rusiya enerji ixracı üçün müxtəlif bölgələrdə, əsasən Asiyada alternativ bazarlarda payını artırmağa çalışır. G7 və Avropa Birliyi (AB) ölkələrinin Rusiyadan dəniz yolu ilə daşınan neftə idxal qadağası və bir barel üçün 60 dollarlıq qiymət limiti 5 dekabr 2022-ci ildə qüvvəyə minib.

Bu kontekstdə, Rusiya nefti üçüncü ölkələrə əvvəlcədən müəyyən edilmiş qiymətdən yüksək qiymətə satılarsa, G7 və AB ölkələrindəki şirkətlər həmin neft üçün nəqliyyat, sığorta və brokerlik kimi müxtəlif xidmətlər göstərə bilməzlər. Bu xidmətlərin göstərilməsi üçün Rusiya nefti qiymət tavanından aşağıda satılmalıdır. Bu qiymət tavanı 2025-ci ilin iyul ayında 47,6 dollara endirilib.

TRT Xəbər
Xədicə Məhərrəmli