Şərqi Almaniyada Holokost qurbanlarının xatirə lövhələrinə qadağa qoyulub

 

Şərqi Almaniyanın Heidenau şəhərində Nasist rejiminin təqiblərinə məruz qalan şəxslərin xatirəsinə quraşdırılan “Stolpersteine” lövhələrinin gələcəkdə yerləşdirilməsinin dayandırılması barədə qərar qəbul edilib.

Şəhər şurası lövhələrin quraşdırılmasının dayandırılmasına, gələcək anım tədbirlərinin isə şəhərin şimal qəbiristanlığında yerləşən xüsusi xatirə məkanında keçirilməsinə səs verib.

“Stolpersteine” Almaniyanın Holokostu anma mədəniyyətinin mühüm elementlərindən biri hesab olunur. AfD isə ölkədə Holokostun anılması ilə bağlı məsələlərə zaman-zaman etiraz edən siyasi qüvvələrdən biridir.

Qərar Almaniyada əsas partiyaların AfD ilə rəsmi əməkdaşlığı istisna etməsi siyasəti çərçivəsində müzakirə olunan “Brandmauer” məsələsini də gündəmə gətirib. AfD və CDU-nun yerli nümayəndələri qərarla bağlı Reuters-in sorğusuna dərhal cavab verməyiblər.

Şəhər administrasiyası qərardan əvvəl yaydığı açıqlamada bildirib ki, “Stolpersteine” lövhələrinə ümumi qadağa mərkəzi xatirə məkanının yaradılması üçün zəruri deyil və təklifin özündə kifayət qədər əsaslandırılmayıb.

Təklifin tərəfdarları isə bildiriblər ki, bəzi sakinlər daş formasında olan “Stolpersteine” lövhələrini uyğun hesab etmirlər. Onların əsas arqumentlərindən biri lövhələrin yerə basdırılması və insanların onların üzərindən keçə bilməsidir.

Aysun Xəlilova