Sabah bəzi ərazilərdə qaz olmayacaq

Sabah paytaxtın bəzi ərazilərində qaz təchizatında fasilələr yaranacaq.

"İnformator.az" xəbər verir ki, bu barədə "Azəriqaz" İB məlumat yayıb.

"Qaz xətlərində aparılacaq təmir-quraşdırma işləri ilə əlaqədar 9 aprel saat 10:00-dan etibarən Sabunçu rayonu üzrə Maştağa-Gülçülük, Südçülük, Daş karxanası və "Subtropik sovxoz" ərazisinin, Binəqədi rayonu üzrə isə 7-ci mikrorayon, A.Kunanbayev, İ.Hacıyev və S.Axundov küçələrinin qaz təchizatı müvəqqəti dayandırılacaq", - məlumatda bildirilib.