Sevastopola raket və PUA hücumu-Mərkəzi Bank binası zərər görüb

Ukrayna Silahlı Qüvvələri Krımın Sevastopol şəhərinə pilotsuz uçuş aparatları və ehtimal olunan “Storm Shadow” raketləri ilə hücum edib. Bu barədə şəhərin qubernatoru Mikhail Razvozhayev məlumat verib.

Onun sözlərinə görə, gecə boyu hava hücumundan müdafiə sistemləri Sevastopola qarşı həyata keçirilən kombinə edilmiş hücumu dəf etməyə çalışıb. Bildirilib ki, şəhərin müxtəlif istiqamətlərində 20-dən çox PUA vurulub.

Qubernator qeyd edib ki, raketlərdən biri Sevastopoldakı Mərkəzi Bankın Cənub Baş İdarəsinin binasına düşüb. Hadisə nəticəsində binanın damında yanğın baş verib, yaxınlıqdakı binaların pəncərələri zədələnib.

Məlumata görə, bir neçə mənzilə və inzibati binaya da ziyan dəyib. İlkin məlumatlara əsasən, hadisə zamanı xəsarət alan olmayıb.

Tass
Ədilə Hüseynzadə