Süni intellekt Afrikada hava çirkliliyinə qarşı mübarizədə 

Afrikada sürətli şəhərləşmə, sənayeləşmə, avtomobillərin tüstüsü və tullantıların yandırılması hava çirkliliyini artırır. Tədqiqatçıların məlumatına görə, bu problem hər il qitədə 700 mindən çox insanın ölümünə səbəb olur. Bir çox şəhərdə havanın keyfiyyətini ölçən stansiyaların olmaması isə vəziyyətin qiymətləndirilməsini çətinləşdirir.

Cənubi Afrikada sınaqdan keçirilən sistem havadakı zərərli maddələri təhlil edərək çirklənmənin səviyyəsini və yayılma sahələrini proqnozlaşdırır. Platforma hakimiyyət orqanlarına çirklənmə təhlükəsi barədə əvvəlcədən xəbərdarlıq etmək, zərərli fəaliyyətləri məhdudlaşdırmaq və əsas çirklənmə mənbələrini müəyyənləşdirmək imkanı verə bilər. Gələcəkdə peyk görüntüləri və hava məlumatlarından istifadə etməklə monitorinq sistemlərinin digər Afrika şəhərlərində də tətbiqi nəzərdə tutulur. Lakin bunun üçün əsas çətinliklərdən biri etibarlı məlumatların və ölçmə stansiyalarının çatışmazlığıdır.

Güllüzar Nəbili
Mənbə: BBC