ABŞ Prezidenti Donald Tramp özü ilə Rusiya Prezidenti Vladimir Putinin Rusiya və Ukrayna liderlərinin mümkün görüşünü müzakirə etdiklərini bildirib.

"İnformator.az" xəbər verir ki, bu barədə "Caliber" "Clash Report"a istinadən məlumat yayıb.

Tramp görüşün gələcəkdə baş tutacağına əmin olduğunu qeyd etsə də, onun harada keçiriləcəyinin hələlik bəlli olmadığını bildirib. ABŞ prezidentinin sözlərinə görə, Putin görüşün Moskvada keçirilməsini təklif edib.

Bundan sonra Tramp Ukrayna Prezidenti Volodimir Zelenskidən Moskvaya gedib-getməyəcəyini soruşub. Zelenski isə buna belə cavab verib: "Bu, çətin olacaq. Orada çoxlu Ukrayna dronu var".