Tramp süni intellektin adının “super intellekt” olaraq dəyişdirilməsini istəyir. Bu, işləyəcəkmi?

 

ABŞ Prezidenti Donald Tramp deyir ki, “süni intellekt” (AI) ifadəsi bu texnologiyanı “saxta” kimi səsləndirir və onun “super intellekt” adlandırılmasını istəyir.

“Super intellektin yeni dünyasına – SI-yə xoş gəlmisiniz”, – Tramp çərşənbə axşamı Nyu-Yorkda Birləşmiş Millətlər Təşkilatının Baş Assambleyasındakı genişmiqyaslı çıxışı zamanı bildirib.

Prezidentə yaxın bəzi şəxslər dərhal bu yeni ifadədən istifadə etməyə başlasalar da, ekspertlər bildiriblər ki, bu adın texnologiya sənayesində geniş yayılması ehtimalı azdır. Çünki “super intellekt” adətən daha inkişaf etmiş sistemləri ifadə etmək üçün istifadə olunan termindir.

Bu açıqlama Trampın son dövrdə həyata keçirdiyi ad dəyişdirmə təşəbbüslərinin daha bir nümunəsidir. Bundan əvvəl o, ABŞ xəritələrində və federal kommunikasiyalarda Ontario gölünün və Meksika körfəzinin adlarının dəyişdirilməsini təmin edib.

Mehriban Yariyeva