Trampa zəng edən İsveçrə lideri eşitdiklərindən dəhşətə gəlib

İsveçrə Prezidenti, Federal Maliyyə Departamentinin rəhbəri Karin Keller-Satter və ABŞ Prezidenti Donald Tramp arasında söhbət dəhşətli olub.

"İnformator.az" xəbər verir ki, bu barədə “Financial Times” (FT) məlumat yayıb.

Nəşr yazır ki, İsveçrə ABŞ-yə 150 milyard dollar sərmayə qoymaq niyyəti müqabilində Vaşinqtonun 10 faizlik tarifinə razılıq verməyə hazır olub. Keller-Satter iyul ayında bu barədə Trampdan razılıq aldığını iddia etmişdi. Amma problemlərin əsl miqyası iyulun 31-də bəlli olub. Məsələ ilə tanış olan rəsmilərin sözlərinə görə, həmin gün axşam saatlarında Keller-Satter Donald Trampla fəlakətli telefon danışığı aparıb.