Türkiyə Kabinetinin iclasında bir sıra mühüm məsələlər müzakirə olunacaq

Nazirlər Kabineti Prezident Rəcəb Tayyib Ərdoğanın sədrliyi ilə toplanacaq. İclasda fond araşdırması ilə bağlı son yeniliklər, “Terrorsuz Türkiyə” prosesində əldə olunan mərhələ, eləcə də Antalyada keçiriləcək və 197 ölkədən 100 min qonağın iştirak edəcəyi COP31 İqlim Sammitinə dair məsələlər müzakirə olunacaq.

Prezident Rəcəb Tayyib Ərdoğan Zəfər Günü tədbirlərində iştirak etmək üçün Azərbaycana səfərindən qayıdarkən Ankarada Nazirlər Kabinetinin iclasına sədrlik edəcək.

Fond araşdırmasından sonra kapital bazarına yönəlik atılacaq addımlar, “Terrorsuz Türkiyə” hədəfi istiqamətində son vəziyyət və Rusiya-Ukrayna müharibəsinin başa çatdırılmasına dair son proseslər iclasın əsas gündəm maddələri arasında yer alır.

Kapital bazarındakı inkişaflar Nazirlər Kabinetinin iclasında ətraflı şəkildə müzakirə olunacaq. Fondların Koordinasiya Şurasının fəaliyyəti nəzərdən keçiriləcək.

TRT Haber

Səadət Əlizadə