Uzun ömürlü məbəd

Bu gün, sentyabrın 1-də, Azərbaycan elmi və təhsilinin ən mötəbər məbədi olan Bakı Dövlət Universitetinin əsasının qoyulmasının 106 ili tamam olur.

1919-cu ildə yaranan bu universitet, ilk gündən xalqımızın maarifçilik yolunda atdığı ən mühüm addımlardan biri kimi tarixə düşüb. Yüz ildən artıq müddətdə BDU minlərlə alim, ziyalı, dövlət və ictimai xadim yetişdirərək həm ölkə daxilində, həm də beynəlxalq miqyasda nüfuz qazanıb. Universitetin tarixi Azərbaycan dövlətçiliyinin tarixi ilə sıx bağlıdır. Onun auditoriyalarında yetişən məzunlar sonradan milli elm, siyasət, mədəniyyət və ictimai həyatın aparıcı simalarına çevriliblər. Bunun ən bariz nümunəsi Ümummilli lider Heydər Əliyevdir ki, onun burada aldığı təhsil universitetin tarixində xüsusi yer tutur.

Hazırda BDU beynəlxalq elm məkanında da tanınan, müxtəlif əməkdaşlıq layihələrində iştirak edən, müasir təhsil prinsiplərinə uyğun inkişaf edən bir ali məktəbdir. Onun elmi nailiyyətləri, yetişdirdiyi gənc mütəxəssislər Azərbaycanın gələcəyinə töhfə verir.

Nigar Həsənzadə