Vilayət Quliyev-Diplomatiyada zəkayla şərəfi birləşdirən şəxsiyyət

Bu gün Azərbaycanın tanınan diplomatı, görkəmli alim və ictimai xadim Vilayət Quliyevin doğum günüdür. Onun çoxşaxəli fəaliyyəti yalnız diplomatiya sahəsində deyil, həm də elmi, ədəbi və mədəni həyatımızda dərin izlər buraxıb. Vilayət Quliyev, Azərbaycan dövlətçiliyinin güclənməsinə, milli maraqların beynəlxalq səviyyədə qorunmasına öz bilik və təcrübəsi ilə töhfə verən ziyalılardandır.

Vilayət Quliyev uzun illər Azərbaycan diplomatiyasının formalaşmasında və inkişafında mühüm rol oynayan, xarici ölkələrdə ölkəmizi ləyaqətlə təmsil edib. Onun peşəkarlığı, sülh və əməkdaşlıq prinsiplərinə sadiqliyi, milli dəyərlərə hörməti onu həm ölkə daxilində, həm də beynəlxalq səviyyədə nüfuzlu şəxsiyyətə çevirib.

Diplomatlıqdan əlavə, o, elmi və ədəbi mühitdə də xüsusi yerə malikdir. Tədqiqatçı-alim kimi o, Azərbaycan ədəbiyyatının, xüsusən də sovet dövrü ədəbi prosesinin incəliklərini araşdıran, bir çox mühüm elmi əsərlərin müəllifi kimi tanınandır. Vilayət Quliyev həm də ədəbiyyatla diplomatiyanın, elm ilə siyasətin birləşə biləcəyini öz fəaliyyəti ilə sübut edən nadir şəxsiyyətlərdəndir.

Onun həyatı, təcrübəsi və fəaliyyəti gənclər üçün nümunədir. Vilayət Quliyev göstərib ki, dövlətə xidmət yalnız vəzifə ilə deyil, həm də vicdanla, savadla və millətə sədaqətlə olur.

Bu gün onun doğum günü münasibətilə bir daha xatırlayırıq: Azərbaycan diplomatiyasının, elminin və mədəniyyətinin inkişafında Vilayət Quliyevin rolu əvəzsizdir. Onun fəaliyyəti milli düşüncənin, intellektual zənginliyin və vətənpərvərliyin təcəssümüdür.

Vilayət Quliyev-Azərbaycanın səsi, diplomatiyamızın üzü və ziyalılığın simvoludur.

Banuçiçək Məmmədova