Xocavənd rayonunun Xanoba kəndinə növbəti 13 ailə köçürülüb

Doğma yurduna aprelin 28-də yola salınan köç karvanı Xocavənd rayonunun Xanoba kəndinə çatıb.

"İnformator.az" xəbər verir ki, bu mərhələdə Xanoba kəndinə köçürülən 60 nəfərdən ibarət 13 ailəyə mənzillərin açarları təqdim edilib.

Mərasimdə Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəliyinin, Qaçqınların və Məcburi Köçkünlərin İşləri üzrə Dövlət Komitəsinin nümayəndələri iştirak ediblər.