Yaponiya hökuməti Rusiyaya qarşı sanksiyalar tətbiq etməyə davam edəcək
Yaponiya hökuməti, ölkənin aparıcı şirkətlərindən mayda Rusiyaya səfərdə iştirak etmələrini istəməsi barədə xəbərləri təkzib edib.
"İnformator.az" xəbər verir ki, bu barədə Yaponiya Nazirlər Kabinetinin baş katibi Minoru Kihara media üçün keçirilən növbəti mətbuat konfransında bildirib.
"Bu məlumatın doğruluğuna gəldikdə isə, bu, həqiqətə uyğun deyil. Yaponiya hökuməti Rusiyaya qarşı sanksiyalar tətbiq etməyə davam edəcək", - Kihara bildirib.
Daha əvvəl "Kyodo News" mənbələrə istinadən xəbər verib ki, Yaponiya hakimiyyəti Ukraynadakı müharibənin bitməsindən sonra yapon şirkətlərinin Rusiyadakı fəaliyyətini tam bərpa edəcəyini gözləyir.
