Yeni icra başçısı onu işdən çıxarıb

Göygöl Rayon İcra Hakimiyyətində kadr dəyişikliyi baş verib.

“İnformator.az” Modern.az-a istinadən xəbər verir ki, İcra Hakimiyyətinin Sənədlərlə və vətəndaşların müraciətləri ilə iş şöbəsinin müdiri Ariz Rzayev vəzifəsindən azad edilib.

Müvafiq əmr rayonun icra başçısı Vüqar Novruzov tərəfindən imzalanıb. Şöbə müdiri vəzifəsinə hələlik təyinat olmayıb. Ariz Rzayevin adı artıq İcra Hakimiyyətinin rəsmi saytında da çıxarılıb.

Qeyd edək ki, Vüqar Novruzov ötən ay Göygöl rayonun icra başçısı təyin olunub.