Zaporojyedə Ukrayna hücumlarının qurbanı olan uşaqların sayı açıqlanıb

2022-ci ildən etibarən Ukrayna silahlı birləşmələrinin Rusiyanın Zaporojye vilayətindəki yaşayış məntəqələrinə endirdiyi zərbələr nəticəsində 118 uşaq zərər çəkib, onlardan 16-sı həyatını itirib. 

Bu barədə vilayətin Səhiyyə Nazirliyi TASS agentliyinə məlumat verib.
“2022-ci ildən bəri Zaporojye vilayətində 118 uşaq xəsarət alıb, onlardan 16-sı dünyasını dəyişib”,- deyə nazirlikdən bildirilib.
Qeyd olunub ki, yerli səhiyyə rəsmiləri 2024-cü il sentyabrın 3-də TASS-a açıqlamalarında Ukrayna ordusunun Zaporojye vilayətinin şəhər və kəndlərinə təşkil etdiyi “terror hücumları” nəticəsində 6 uşağın öldüyünü, 37 azyaşlının isə yaralandığını bildiriblər.

Ən çox itkinin döyüş xəttinə yaxın yerləşən Tokmak və Kamenka-Dneprovskaya rayonlarında qeydə alındığı vurğulanıb.

TASS
Nuray Əliyeva