Bu qidaları soyuducudan uzaq tutun! Tez xarab olan 8 qida...

Bölmə: Maraqlı › ,
Tarix: 23:13 05.11.2024

Soyuducu yeməklərimizi təzə saxlamaq üçün əvəzsiz vasitədir. Ancaq hər bir qida soyuducuda saxlamaq üçün  uyğun deyil. Bəzi qidalarda dad dəyişikliyinə, xarab olmasına və toxuma dəyişikliklərinə səbəb ola bilər. Soyuducuya qoymamağınız lazım olan qidaları təqdim edirik...

 

Ərzaqları soyuducuda saxlayarkən unutmamalıyıq ki, hər bir qida üçün uyğun mühit fərqlidir. Soyuducuda saxlanması lazım olan qidaların düzgün seçilməsi onların dadını və qida dəyərini qorumaq üçün çox vacibdir.

 

1. Soğan

 

Soyuducunun soyuq mühitində soğan daha tez xarab olur. Yumşaq olur, kiflənməyə başlayır və dadı dəyişir. Soğanları quru və sərin yerdə, tercihen havalandırılan bir mühitdə saxlamaq yaxşıdır.

 

2. Banan

 

Bananların soyuq mühitdə saxlanması yetişmə prosesini ləngidir və dad itkisinə səbəb ola bilər. Bananları soyuducuya qoymaq onların dadının pisləşməsinə səbəb ola bilər. Buna görə onu sərin, quru yerdə saxlamaq daha yaxşıdır.

 

3. Pomidor

 

Pomidorlar soyuducuda qalanda yetişmə prosesi ləngiyir və dadı itir. Bundan əlavə, soyuq mühit pomidorun teksturasının pisləşməsinə səbəb olur. Pomidorlar otaq temperaturunda, birbaşa günəş işığından uzaqda saxlanmalıdır.

 

4. Kartof

 

Kartofun soyuducuda saxlanması nişastanın şəkərə çevrilməsinə və kartofun dadının dəyişməsinə səbəb olur. Kartofu sərin, quru yerdə saxlamaq daha rahatdır.

 

5. Çörək

 

Çörək soyuducuda saxlandıqda tez quruyur və daha tez qəliblənir. Çörək otaq temperaturunda, hava keçirməyən yerdə saxlanmalıdır. Uzun müddət təzə qalmasını istəyirsinizsə, çörəyi dondura bilərsiniz.

 

6. Bal

 

Bal soyuducuda saxlandıqda kristallaşır və bu, balın keyfiyyətinə təsir edə bilər. Balın otaq temperaturunda sıx bağlanmış bankada saxlanması yaxşıdır.

 

7. Qəhvə

 

Qəhvə soyuducuda saxlandıqda nəmləşə və ətirini itirə bilər. Qəhvə üçün ən yaxşı saxlama şəraiti sərin, quru yerdə möhürlənmiş bankadadır.

 

8. Sarımsaq

 

Sarımsaq soyuq mühitdə çürüyə bilər və cücərti əmələ gətirə bilər. Sarımsağı sərin, quru yerdə saxlamaq yaxşıdır.

 

Mənbə: Ahaber 

Mehriban Nəsibova