Təhsil və Media sahəsindəki əvəzolunmaz irslər: Qulu Məhərrəmlinin 70 illik yubileyi

Bölmə: MEDİA › ,
Tarix: 17:07 04.12.2024

Bu gün Bakı Dövlət Universitetində professor Qulu Məhərrəmlinin 70 illik yubileyinə həsr olunmuş "Azərbaycan teleleviziyası müstəqillik illərində: əsas inkişaf tendensiyaları" adlı elmi sessiyası keçirildi.

Tədbirdə jurnalistika fakültəsinin müəllim və tələbələri iştirak etdilər. Elmi sessiyanı giriş sözü ilə açan Mətbuat Şurasının sədri Rəşad Məcid çıxış üçün sözü BDU-nun rektoru Elçin Babayevə verdi. E.Babayev öz növbəsində Qulu Məhərrəmlinin özünün bir elmi sessiya olduğunu bildirərək onun tərcümeyi halından söhbət açdı. Rektor professoru 70 illik yubileyi münasibəti ilə Fəxri Fərmanla təltif etdi. Filologiya elmləri doktoru Rövşən Məmmədov Qulu müəllimlə bağlı xatirələrini bölüşdü. İnsanın həyatında iki şəxsiyyətin vacib rol oynadığını, bunlardan birinin valideyn, digərinin isə müəllim olduğunu, Qulu müəllimin də həmin müəllimlərdən olduğunu söylədi. Tədbirdə Qulu müəllimin elmi-pedoqoji fəaliyyətinə həsr olunan qısa video-çarx nümayiş olundu. Tədbirin gedişində Q.Məhərrəmlinin publisistikasından Rəşad Məcid, palifonik yaradıcılığından Cahangir Məmmədli, "Azərbaycanda televiziya tənqidinin çağdaş qurumu" mövzusunda isə Xatirə Hüseynova çıxış etdilər. Ardınca Jurnalistika fakültəsinin dekanı Vüqar Zifəroğlu da Qulu Məhərrəmlinin televiziyada praktik fəaliyyətindən və universitet xatirələrindən bəhs etdi. Tədbirin sonunda professor Qulu Məhərrəmli çıxış edərək qonaqlara və tədbir iştirakçılarına öz təşəkkürlərini bildirdi. Sonda xatirə fotosu çəkildi.

 

Banuçiçək Kalbalıyeva

Aytac Kərimova

Aysel Ağakərimova