Dəyişən dünyanın dəyişməz həqiqətlərini ortaya qoyan şəxsiyyət-Şirməmməd Hüseynov

Bölmə: MEDİA › ,
Tarix: 22:01 17.12.2024

"Şirməmməd Hüseynov-Azərbaycan Mətbuatı Tarixinin Görkəmli Tədqiqatçısı kimi" və "Klassik Publisistika və Müasirlik" adlı panelləri giriş sözü ilə açan Milli Mətbuat Kafedrasının müəllimi Aygün Əzimova Şirməmməd Hüseynovun həyatından bəhs edərək, onun dəyişən dünyanın dəyişməz həqiqətlərini ortaya qoyan şəxsiyyətlərdən olduğunu qeyd etdi.

Ardınca söz Üsküdar Universitetinin rektoru Nazife Güngöre verildi. O, burada olmaqdan məmnun olduğunu bildirərək, Şirməmməd Hüseynovla bağlı fikirlərini, belə bir jurnalisti yetişdirməklə Azərbaycan Jurnalistikasına böyük töhvə verildiyini qeyd etdi.

Növbəti olaraq, BDU-nun Beynəlxalq Jurnalistika kafedrasının dosenti Sabir Məmmədli "Orhon-Yenisey yazıları informasiya mənbəyi kimi" mövzusunda çıxış etdi. O, türk millətinin, türk soyunun kökünün Orxon-Yenisey abidələrinə dayandığını söylədi.

Davamında Filologiya üzrə fəlsəfə doktoru, dosent Səba Namazova " "Bəsirət" qəzetinin publisistik yazıları və əsas müəllifləri" mövzusunda danışaraq, bu gün də Şirməmməd Hüseynovun qoyduğu mənbələrdən yararlanıldığını qeyd edərək, "Bəsirət" qəzetinin fəaliyyətindən və tarixindən  bəhs etdi. Tədbirin gedişatında Üsküdar Universitetinin yeni media və kommunikasiya bölüm rəhbəri Bahar Muradoğlu "Media və cocuq", filologiya üzrə fəlsəfə doktoru, professor Akif Rüstəmov "Açıq sözlü, həyat nəfəsli müəllim", Üsküdar Universitetinin doktorantı Könül Hümbətova "Azərbaycan mətbuatında- yeni mediada milli dəyərlərin və azərbaycançılıq ideologiyasının təbliği", filologiya üzrə fəlsəfə doktoru, dosent Zaur Babayev "KİV-də robotlaşma prosesi və süni intellektdən istifadənin  problemləri və perspektivləri", Şəlalə Quliyevə "Çağdaş jurnalistikada radiopublisistikanın yeni xüsusiyyətləri" mövzusunda çıxış edərək, xatirələrini bölüşdülər.

Sonda müəllim kollegiyasının hər biri sertifikatlarla təltif edildi və xatirə şəkli çəkildi.

Aytac Kərimova
Aysel Ağakərimova