Galatasaray-a transferdə zərbə! Lyon-un Mikautadze ilə bağlı qərarı məlum oldu..

Bölmə: İdman › ,
Tarix: 19:21 25.12.2024

Qış transfer dövründə heyətini gücləndirmək istəyən Galatasaray transfer çalışmalarına başlayaraq bir sıra önəmli adları gündəminə daxil edib. Hücum xəttinə qolçu transfer etmək niyyətində olan Galatasaray, Mikautadze ilə maraqlanarkən Lyon-dan bu mövzuda pis xəbər gəldi.

 

Futbolçunun Galatasaray-a transferi ilə bağlı mənfi fikirlər bildirən Razik Brikh, “Galatasaray azarkeşlərini məyus edəcəyəm, amma Olympique Lyonnais-in Georges Mikautadze-ni göndərmək niyyəti yoxdur. O, klubun layihəsinə tamamilə daxil edilib. Transfer şayiələri yanlışdır", dedi.

 

Futbolçunun tarix yazmaq istədiyini vurğulayan fransız jurnalist qeyd edib: “Georges Mikautadze bir neçə gün öncə “Tant que il y sera des Gones” adlı tok-şou proqramımıza qatıldı və OL tarixini yazmaq istədiyini dedi. O, hər zaman öz doğma şəhərinin klubunun formasını geyinmək istəyib. Hazırda çox yaxşı formadadır və Lyon azarkeşləri tərəfindən çox sevilir. Bu mövsüm Alexandre Lacazette ilə rəqabət aparmaq məcburiyyətindədir, lakin Georges Mikautadze OL-un gələcəyinin bir hissəsidir. Lyon-dan ayrılmaq kimi bir planı yoxdur", deyə əlavə edib.

 

Son olaraq UEFA Avropa Liqasında Lyon-un Fənərbaxça ilə oynayacağı oyuna toxunan Brikh bildirib: “Hamımız bilirik ki, Türkiyədə hər zaman olduğu kimi böyük bir atmosfer olacaq. OL bu turnirdə yaxşı çıxış edir, lakin OL Fənərbaxça komandasına hörmətlə yanaşır".

 

Mənbə: Milliyət

Fatimə Abdulrəhimli