Misirdə köpək balığı hücumu-Bir turist öldü

Bölmə: Hadisə › ,
Tarix: 23:17 29.12.2024

Misirdə baş verən köpək balığı hücumu nəticəsində bir turist həyatını itirib, bir nəfər isə yaralanıb.

 

Misir Ətraf Mühit Nazirliyi Qırmızı dənizdə baş verən hücum nəticəsində bir nəfərin öldüyünü, digərinin isə yaralandığını açıqlayıb. Yazılı açıqlamada Nazirliyin, Qırmızı dəniz sahilindəki Marsa Alem şəhəri yaxınlığında 2 nəfərin köpək balığı hücumuna məruz qaldığı barədə məlumat aldığı bildirilib.

Hadisədə xarici vətəndaş olan bir şəxsin həyatını itirdiyi, bir nəfərin isə yaralandığı vurğulanıb. Açıqlamada, məsələnin araşdırılması üçün aidiyyəti qurumlar tərəfindən təcili komissiya yaradılması qərarı verildiyi qeyd edilib. Hücumun baş verdiyi ərazinin əvvəlcədən üzmə üçün bağlı zona elan edildiyi də açıqlamada bildirilib.

 

2023-cü ilin iyun ayında da bir rus turist, Hurqada şəhəri yaxınlığındakı çimərlikdə köpək balığı hücumuna məruz qalaraq həyatını itirib.

Mənbə: NTV