Barselona Real Madrid-i məğlub etdi
Bölmə: İdman ›
,
Tarix: 11:58 13.01.2025
Kilyan Mbappe, oyun sahəsinin mərkəzindən sürətlə irəliləyərək möhtəşəm fərdi qolla Real Madrid-i irəli keçirdi və Wojciech Szczesny-ni məğlub etdi.
Lamine Yamal, 22-ci dəqiqədə Robert Levandovskinin ötürməsindən sonra alt küncə dəqiq bir zərbə ilə Barselona üçün hesabı bərabərləşdirdi.
Hansi Flick-in komandası isə fasilədən əvvəl daha üç qol vuraraq oyuna nəzarəti ələ aldı. Polşalı hücumçu Levandovski, Qaviyə qarşı edilmiş qayda pozuntusundan sonra penaltini dəqiq yerinə yetirərək Barsanı önə keçirdi. Üç dəqiqə sonra isə Rafinyanın güclü baş zərbəsi ilə Barselona hesabı 3:1-ə çatdırdı. İlk hissəyə əlavə edilmiş vaxtın 10-cu dəqiqəsində isə braziliyalı cinah oyunçusu Rafinya, Aleks Baldeyə dəqiq ötürmə ilə dördüncü qolu vurmağa yardım etdi.
İkinci hissənin başlanmasından cəmi üç dəqiqə sonra Rafinya, oyundakı ikinci qolunu vuraraq Barselonanı 5:1 önə keçirdi.
Ancaq Barselonanın qapıçısı Szczesny, 56-cı dəqiqədə Mbappeyə cərimə meydançasından kənarda kobud müdaxilə etdiyi üçün birbaşa qırmızı vərəqə aldı. Braziliyalı hücumçu Rodriqo, epizoddan sonra təyin olunmuş sərbəst zərbəni əvəzləyici qapıçı Inaki Penanı məğlub edərək fərqi azaltdı. Lakin Real Madrid bundan sonra hesabı bərabərləşdirə bilmədi və Barselona tarixində 15-ci dəfə Super Kubokun qalibi oldu.
Bu, Flick-in rəhbərliyi altında keçirilən ikinci “El Klasiko” idi ki, Barselona yenə də rəqibinə qarşı çoxlu qol vuraraq üstünlük qazandı. Komanda La Liqada oktyabr ayında “Bernabeu”da 4:0 hesabı ilə qalib gəlib.
Bu qələbə həmçinin Flick-in Barselonadakı ilk kubokunu – kiçik miqyaslı olsa da – 2020-2021 mövsümündə Bayern Münhen ilə qazandığı Bundesliqa çempionluğundan sonra əldə etdiyi ilk titul kimi tarixə yazıldı.
Bunu kim gözləyirdi?
King Abdullah İdman Şəhərindəki nəticə bir qədər gözlənilməz oldu, çünki Real Madrid daha yaxşı formada olan komanda idi.
Barselona son yeddi La Liqa oyunundan cəmi birini qazanıb və turnir cədvəlində Real Madriddən beş xal geri qalır. Atletico Madrid isə cədvəlin zirvəsində bir xal üstünlüklə liderdir.
Bununla belə, Karlo Ançelottinin komandası bütün turnirlərdə son beş oyununu qazanıb və sonuncu dəfə 4 dekabrda məğlub olub.
Szczesny, bu mövsüm karyerasına son qoyduqdan sonra Barselonaya qoşulub və aylarla gözlədikdən sonra cəmi üçüncü oyununa çıxırdı. İlk iki oyunda qapısını toxunulmaz saxlayıb, lakin bu oyunda aldığı birbaşa qırmızı vərəqə Real Madridin oyuna qayıtmaq şansını artırsa da, Szczesny-nin gələcəkdəki perspektivlərinə zərər yetirə bilər.
Keçmiş Leeds cinah oyunçusu Rafinyanın bu oyunda vurduğu iki qol mövsümdəki ümumi qol sayını 19-a çatdırdı. Levandovski isə 26 qolla irəliləyir.
Bu, ardıcıl üçüncü “Klasiko” Super Kubok oyunu idi – Barselona 2023-cü ildə 3:1 hesabı ilə, Real isə keçən il 4:1 hesabı ilə qalib gəlib.
Mənbə :BBC Sport
Aytac Mustafayeva
