Qalatasaray transfer üçün hərəkətə keçdi! 2 ulduz hədəfdə..

Bölmə: İdman › ,
Tarix: 20:54 13.01.2025

Qalatasaray rəhbərliyi qış transfer pəncərəsi üçün işlərini sürətləndirib. Sarı-qırmızılıların bu istiqamətdə 2 ulduzu gündəmlərinə aldığı bildirilib.

 

Jorj Mikautadze transferində yaranacaq hər hansı mənfi vəziyyətə qarşı Qalatasaray, Amin Qouiri üçün hərəkətə keçib. Sarı-qırmızılıların, hazırda “Renn” klubunda çıxış edən Amin Qouirinin meneceri və klubu ilə əlaqə qurduğu vurğulanıb.

 

Amin Qouirinin Qalatasarayda oynamağa isti baxdığı qeyd edilib. Həmçinin, orta sahə transferində Qalatasarayın Wolverhampton-da çıxış edən keçmiş futbolçusu Mario Leminanı hədəflədiyi bildirilib.

 

Wolverhampton-la müqaviləsi mövsüm sonunda bitəcək olan Mario Leminanın münasib bir məbləğ qarşılığında komandaya qatılmasının planlaşdırıldığı vurğulanıb.

 

Amin Qouiri bu mövsüm “Renn”də 17 oyunda iştirak edib və ümumilikdə 969 dəqiqə meydanda olub. Əlcəzair əsilli vinger bu oyunlarda 2 qol vurub və komanda yoldaşlarına 1 asist edib.

 

Amin Qouirinin “Renn” ilə müqaviləsi 30 iyun 2027-ci ildə sona çatacaq. 24 yaşlı vingerin hazırkı bazar dəyəri 20 milyon avro olaraq göstərilir.

 

Mario Lemina isə bu mövsüm Wolverhampton-da 19 qarşılaşmada iştirak edib. Qabonlu orta sahə bu oyunlarda 1 qol vurub və 3 asist edib.

 

31 yaşlı orta sahənin Wolverhampton-la müqaviləsi mövsüm sonunda başa çatacaq. Mario Leminanın hazırkı bazar dəyəri 9 milyon avrodur. Qeyd edək ki, Mario Lemina 2019-2020 mövsümündə Qalatasarayda icarə əsasında çıxış etmişdi.

 

Mənbə:Milliyət

Fatimə Abdulrəhimli