Ancelotti tənqid atəşinə tutuldu-Dünya Arda Gülerdən danışır
Bölmə: İdman ›
,
Tarix: 11:41 17.01.2025
İspaniya Kral Kubokunun 1/8 final mərhələsində Real Madrid evində Celta Vigo komandasını qəbul edib. Real Madrid əlavə vaxtdan sonra rəqibini 5-2 hesabı ilə məğlub edərək növbəti mərhələyə adlayıb.
Türkiyə milli futbolçusu Arda Güler sonradan oyuna daxil olaraq Endrickin hər iki qoluna asist edib. Digər tərəfdən, Real Madrid azarkeşlərinin Ancelotti və bəzi futbolçuları fitə basaraq etiraz etməsi diqqət çəkib. Oyunun taleyini dəyişən Arda Güler və Endrick sosial mediada gündəm olub, çıxışları böyük rəğbət qazanıb.
Türkiyə milli futbolçusu Arda Güler ehtiyatda başladığı oyuna 70-ci dəqiqədə Brahim Diazı əvəz edərək daxil oldu.
Uzatmaların ilk hissəsi 2-2 hesabı ilə başa çatarkən, 108-ci dəqiqədə Arda Gülerin asistindən sonra Endrick Real Madrid-i bir daha önə keçirdi.
112-ci dəqiqədə Valverde ilə fərqi iki topa çıxaran Real Madrid, 119-cu dəqiqədə yenidən Arda Gülerin asisti və Endrikin qolu ilə hesabı müəyyənləşdirdi. Qarşılaşmanı Real Madrid 5-2 hesabı ilə qazanarkən, Ancelotti və Tchouameniyə qarşı edilən fitli etirazlar diqqət çəkdi.
Sonradan oyuna daxil olan Arda Güler və Endrik oyunun taleyini dəyişərək sosial mediada gündəm oldu. Hər iki futbolçunun performansı böyük tərif topladı. İspan mətbuatı isə “Arda Güler hazırlayır, Endrik tamamlayır. Real Madrid-i problemlərdən uşaqlar qurtardı” başlığı ilə çıxış etdi.
Arda Güler, etdiyi 2 asistlə birlikdə son 8 rəsmi oyunda 8 qolun təşkilatçısı oldu.
Mənbə: NTV Spor
Aytac Mustafayeva
