Wilfried Zaha rəsmən Charlotte FC-də!
Bölmə: İdman ›
,
Tarix: 19:38 22.01.2025
Sarı-qırmızı klub, ulduz futbolçunun Lyon ilə icarə müqaviləsinin qarşılıqlı razılıqla ləğv edildiyini və Charlotte FC-yə transfer olunduğunu açıqlayıb.
Trendyol Super Liqasının lideri olan “Qalatasaray”, Zahanın Charlotte FC-yə icarəyə verildiyini KAP-a (ictimaiyyətə açıqlama platformasına) bildirib. Sarı-qırmızı klubun açıqlaması belədir:
“Peşəkar futbolçumuz Dazet Wilfried Armel Zahanın Olympique Lyonnais SASU ilə olan icarə müqaviləsi qarşılıqlı razılaşma əsasında ləğv edilmiş və futbolçunun Charlotte FC-yə 17 yanvar 2026-cı il tarixinə qədər müvəqqəti transferi ilə bağlı Major League Soccer, L.L.C. ilə razılıq əldə edilmişdir.
Bu razılaşmaya əsasən:
•Charlotte FC, klubumuza 2.800.000 ABŞ dolları məbləğində müvəqqəti transfer haqqı ödəyəcək.
•Futbolçu, maaşının 2.376.000 avro məbləğindəki hissəsindən imtina edib.
•Futbolçu, Charlotte FC ilə 15 MLS normal mövsüm oyunu keçirdiyi halda və ya 15 dekabr 2025-ci ilədək yazılı bildiriş təqdim etdiyi təqdirdə, icarə müddəti 30 iyun 2026-cı il tarixinədək uzadılacaq.
İcarə müddəti uzadıldığı halda:
•Charlotte FC, klubumuza əlavə 1.300.000 ABŞ dolları məbləğində müvəqqəti transfer haqqı ödəyəcək.
•Futbolçu, maaşının 800.000 avro məbləğindəki hissəsindən imtina edəcək.
•2025 MLS normal mövsümündə futbolçunun performansına əsasən Charlotte FC, klubumuza maksimum 1.100.000 ABŞ dolları məbləğində performans bonusu ödəyəcək.
İcarə müddəti uzadıldığı təqdirdə, 2026 MLS normal mövsümündə futbolçunun performansına əsasən Charlotte FC, klubumuza maksimum 150.000 ABŞ dolları məbləğində performans bonusu ödəyəcək.
Mənbə:Milliyət
Fatimə Abdulrəhimli
