Necə uzun və xoşbəxt ömür sürmək olar ?

Bölmə: Maraqlı › ,
Tarix: 22:24 07.02.2025

Elm adamları müəyyən edir ki, bəzi insanlar qocalma prosesinə digərlərindən daha yaxşı müqavimət göstərir və qocalmalarına baxmayaraq, güclü və sağlam qala bilirlər. Alimlərin fikrincə, genetik faktorlar mühüm rol oynasa da, həyat tərzi və psixi münasibət də böyük amildir.

 

Çikaqo Universitetindən professor Emili Roqalski və onun komandası “super qocalar” adlanan bu şəxsləri araşdırır. Araşdırmalara görə, super yaşlıların nikbinlik, möhkəmlik və əzmkarlıq kimi fərqli şəxsiyyət xüsusiyyətləri var. Bundan əlavə, aktiv həyat tərzi sürmək də onların vəziyyətini dəstəkləyir. “Superqoca”ların ən yaxşı nümunələrindən biri olan Dennisin bu yaxınlarda 100 yaşı tamam olub. Hələ də aktual hadisələrlə maraqlanan və hər həftə xəbər sütunlarını izləyən Dennis həyata və enerjiyə olan bağlılığı ilə diqqət çəkir. Səhhətində problemlər olmasına baxmayaraq, o, güclü həyat həvəsi sayəsində fit qalmağa davam edir. Mütəxəssislərin fikrincə, sağlam və uzun ömür üçün aşağıdakı vərdişlərə yiyələnmək böyük əhəmiyyət kəsb edir:

Sevdiyiniz məşqi etmək- Fiziki fəaliyyəti zərurət kimi görməkdənsə, onu zövqlə etmək hərəkətliliyi qorumağın ən təsirli yoludur. Özünüzü başqası ilə müqayisə etməyin- “Super yaşlılar” başqaları ilə rəqabət aparmaqdansa, öz həyatlarından razı qalmağı öyrənmiş fərdlərdir. Daha çox cəmiyyət arasına çıxmaq- İctimai həyata cəlb olmaq psixi sağlamlığı qoruyur və təkliyin qarşısını alır. Araşdırmalar göstərir ki, super yaşlıların əksəriyyəti sosial həyatlarını aktiv saxlayırlar. Yeni şeylər sınayın- Yeniliklərə açıq olmaq beyni aktiv saxlayaraq qocalmağı gecikdirir. Müxtəlif yaş qrupları ilə dostluq edin- Yüksək həyat enerjisi olan insanlar hər yaşda olan insanlarla güclü sosial əlaqələr qururlar. Pozitiv düşünün- Stressin sağlamlığa mənfi təsirlərini nəzərə alsaq, müsbət perspektiv inkişaf etdirmək mühüm amildir. Könüllü kimi yardım edin- Cəmiyyətə töhfə vermək həm fərdi, həm də sosial faydalar təklif edir.

 

Mütəxəssislər uzun və sağlam həyatın sirrinin təkcə genetik faktorlarla məhdudlaşmadığını vurğulayırlar. Müsbət perspektiv, sosial əlaqələr və aktiv həyat tərzi uzunmüddətli və xoşbəxt qocalığın ən vacib elementlərindəndir.

 

Mənbə: NTV
Asiya Zeynallı