Avropa Birliyi Avstriyaya büdcə nəzarəti tədbiri başlayıb

Bölmə: Dünya › ,
Tarix: 21:05 08.07.2025

AB Şurası İqtisadi Sabitlik və Artım Paktı çərçivəsində həddindən artıq büdcə kəsiri olan Avstriyaya qarşı intizam proseduru başladığını açıqlayıb.

 

Açıqlamada bildirilmiş ki, bu prosedur AB-yə üzv ölkələrin büdcələrində intizamı təmin etmək üçün hazırlanmış mexanizmdir.

 

Avstriyanın 2024-cü ildə ÜDM-nin 4,7%-i həcmində büdcə kəsiri verdiyi vurğulanıb və bu yüksək kəsir səbəbindən qərar qəbul edildiyi bildirilib.

 

Avstriyaya 2028-ci ilə qədər bu kəsiri aradan qaldırmaq üçün izləməli olduğu istiqamət tövsiyə formasında göndərilib və ölkənin bu istiqamətdə atacağı addımları 15 oktyabra qədər təqdim etməsi tələb edilib.

 

Avstriya ötən il 4,7% büdcə kəsiri verib. AB Komissiyası bu il kəsirin ÜDM-in 4,4%-i, gələn il isə 4,2%-i olacağını proqnozlaşdırıb.

 

AB-nin maliyyə qaydaları üzv ölkələrin dövlət kəsiri və borc səviyyələrini məhdudlaşdırmağı nəzərdə tutur. Normal şərtlərdə üzv ölkələrin büdcə kəsiri ÜDM-in 3%-ni, dövlət borcu isə 60%-ni keçməməlidir.

 

Bu hədlər aşılarkən görüləcək tədbirlərin AB Komissiyasına bildirilməsi və təsirli mübarizə aparılması tələb olunub.

TRT Haber
Xəlilli Nigar