Luka Donçiç evində oğurluq baş verən son peşəkar idmançı oldu
Bölmə: Hadisə ›
,
Tarix: 23:20 29.12.2024
Dallas Morning News-un məlumatına görə, Dallas Mavericks komandasının oyunçusu Luka Donçiçin evindən təxminən 30,000 dollar dəyərində zərgərlik əşyaları oğurlanıb. Bu, peşəkar idmançıları hədəfə alan son oxşar oğurluq hadisələrindən biridir.
CNN-in tərəfdaşı KTXA-nın məlumatına əsasən, Dallas polisi cümə günü saat 22:30 radələrində Donçiçin evinə çağırılıb. İlkin araşdırmaya görə, naməlum şəxslər evə daxil olaraq əşyaları oğurlayıb.
Dallas Morning News-un əldə etdiyi polis hesabatına əsasən, cümə günü saat 17:00-dan 21:00-a qədər Donçiçin evinə yataq otağının pəncərəsindən daxil olunub.
Basketbolçunun iş meneceri Lara Beth Siager Associated Press-ə bildirib ki, hadisə baş verən zaman evdə heç kim olmayıb və Donçiç polisə şikayət ərizəsi təqdim edib.
Associated Press-in məlumatına görə, Mavericks-in baş məşqçisi Ceyson Kidd şənbə axşamı Portland Trail Blazers ilə oyun öncəsi bu barədə açıqlama verib.
"Hadisədən sonra Luka ilə danışmışam",- deyə Kidd bildirib. "O, yaxşıdır. Heç kimin zərər görməməsinə sevindim".
Mənbə: CNN
Nuray Qurbanlı
