Mütəxəssislərdən Ramazanda sahura qalxmadan oruc tutmama tövsiyəsi

Bölmə: Maraqlı › ,
Tarix: 23:06 05.03.2025

Qidalanma və Pəhriz Mütəxəssisi Diyetoloq Çağatay Kansız sahura qalxmadan oruc tutmağın orqanizm üçün mənfi təsirləri ola biləcəyini bildirib.

 

Mütəxəssisin sözlərinə görə, bəzi insanlar Ramazanı arıqlamaq üçün fürsət kimi dəyərləndirərək, gün ərzində daha az qida qəbul etmək məqsədilə yalnız iftarda yemək yeyirlər. Bu isə orqanizmin ehtiyac duyduğu qidaların kifayət qədər qəbul olunmamasına səbəb olur.

 

Kansız vurğulayıb ki, sahura qalxmadan oruc tutmaq uzun müddət ac qalmaq deməkdir. Bu, iftarda sürətlə yemək yeməyə, qan şəkərinin qəfil yüksəlməsinə və qida maddələrinin çatışmazlığına gətirib çıxara bilər. Nəticədə, halsızlıq, yorğunluq, baş ağrısı və hətta Ramazan sonrası vitamin çatışmazlığı kimi problemlər meydana çıxa bilər.

 

Mütəxəssis sahurda qan şəkərini tənzimləmək və gün ərzində tox qalmaq üçün aşağıdakı qidaları tövsiyə edib:

 

 • Az şəkərli kompot, 1 stəkan süd, qaynadılmış yumurta, az yağlı və duzsuz pendir

 • Qoz, badam, fındıq, pomidor, xiyar, yerkökü, turp kimi lifli qidalar

 • Tam buğda çörəyi, çovdar çörəyi

 • Süd, ayran və qatığa darçın əlavə edərək istehlak etmək

 • Kakao və qəhvə istehlakına nəzarət edərək qan şəkərinin dalğalanmasının qarşısını almaq

 

O əlavə edib ki, Ramazanda yalnız bir dəfə yemək yeməklə sağlam şəkildə arıqlamaq mümkün deyil və bədən bütün qida maddələrinə ehtiyac duyur.

 

Mənbə: Hürriyet

Xanım Ağamalıyeva