Qədim tarix- Pompey

Bölmə: Maraqlı › ,
Tarix: 23:22 05.03.2025

İtaliyanın Kampaniya bölgəsindəki əsas Roma şəhəri idi. Vezuvi dağı 18 saat ərzində külünü yerdən yüzlərlə metr yüksəkliyə səpərək şəhəri bütün tikililəri ilə birlikdə külə qərq etdi. Lakin əsl fəlakət səhəri gün baş verdi. Vulkanın zirvəsi çökdü və sürəti saatda 160 kilometrə çatan palçıq Pompeyi uçqun kimi bürüdü, yolundakı hər şeyi məhv etdi.

 

O dövrdə Pompeydə insanları boğan kül həm də insanların bədəni üçün qabıq rolunu oynayırdı. Təxminən 2000 insanın öldüyü Pompey, 1748-ci ildə yenidən kəşf edilənə qədər o gündən sonra tamamilə tərk edildi. Mükəmməl qorunan bu şəhər 18-ci əsrdə təsadüfən 9 metrlik kül qatının altında tapılıb. Arxeoloqlar burada tapdıqları donmuş insanlardan çox təsirləndilər və onların qəliblərini yaratmaq üçün işə başladılar. Donmuş insanların öldüyü zaman mövqelərini düzəltmək üçün küllərin arasındakı boşluqlara gips töküblər. Külü götürməzdən əvvəl skeletləri gipsə basdırdılar. Bu texnika sayəsində onlar Pompey əhalisinin ölərkən üz ifadələrini, saç düzümlərini və geyimlərini ortaya çıxara biliblər.

 

İndiyə qədər təxminən 1150 insan cəsədinin tapıldığı Pompeyin üçdə biri hələ də qazılmağı gözləyir.

 

19-cu əsrin ortalarında Pompeylilərin bədənlərinə tətbiq edilən bu gips qəlibləmə üsulu onların yenidən işlənməsini və təmirini tələb edir. İndiyədək Pompeylilərin duruşlarını və qıvrılan ev itlərini əks etdirən cəmi 100 müxtəlif gips materialı hazırlanıb. Bir çox strukturlar, artefaktlar və skeletlər dağıntı təbəqəsi altında bütöv halda tapıldı. Bu gün UNESCO-nun Ümumdünya İrs Siyahısına daxil olan Pompeyi hər il orta hesabla 2,5 milyon turist ziyarət edir.

 

Mənbə: antiktarih

Türkan Kərimli