Şimal dənizində tanker toqquşması 

Bölmə: Dünya › ,
Tarix: 21:27 11.03.2025

 

Bazar ertəsi İngiltərə sahilləri yaxınlığında yük gəmisinin neft tankerinə çırpılmasından sonra bir ekipaj üzvü itkin düşüb, 30-dan çox insan isə xilas edilib.

 

Gəmilərdən biri çərşənbə axşamı hələ də yanırdı və mütəxəssislər potensial olaraq fəlakətli ekoloji zərər barədə xəbərdarlıq ediblər.

 

Hadisə necə baş verib?

 

Portuqaliya bayrağı altında üzən yük gəmisi bazar ertəsi saat 10:00-dan bir qədər əvvəl Hull sahillərində böyük neft tankerinə çırpılıb.

 

Stena Immaculate tankeri Yunanıstan limanından Hull şəhərinə doğru hərəkət etdikdən sonra orada lövbər salmışdı. ABŞ bayrağı altında üzən bu gəmi ABŞ ordusu üçün təyyarə yanacağı daşıyırdı.

 

Solong konteyner gəmisi isə Şotlandiyadan Niderlanda doğru istiqamət alıb.

 

Hadisə zamanı Stena Immaculate tankerində olan amerikalı dənizçi danışıb.

 

O, “gözlənilmədən nəhəng bir gəminin peyda olduğunu” və ekipajın cəmi bir neçə saniyə ərzində reaksiya verməyə məcbur qaldığını bildirib. Dənizçi adının açıqlanmasını istəməyib, çünki ekipaj üzvlərinə hazırda media ilə danışmaq qadağandır.

 

Onun sözlərinə görə, toqquşmadan dərhal sonra gəmidə alovlar yüksəlməyə başlayıb.

 

Başqa bir ekipaj üzvü isə Solong gəmisinin Stena Immaculate tankerinə 16 düyün (təxminən 18 mil/saat) sürətlə çırpıldığını deyib.

 

MarineTraffic izləmə saytından alınan məlumatlar göstərir ki, toqquşma anında gəmilərdən biri hərəkətdə olub, digəri isə demək olar ki, hərəkətsiz vəziyyətdə dayanıb.

 

BBC

Nuray Qurbanlı