Seçki proseslərində süni intellektin rolu

Bölmə: Sosial › ,
Tarix: 12:35 02.04.2025

Texnoloji yeniliklər öz təsirini siyasətdə də göstərir. Siyasi proseslərdə süni intellektin rolu danılmazdır. Süni intellektin potensialı siyasətə həm müsbət, həm də mənfi cəhətlərini ortaya qoya bilər.

Seçkilər demokratiyanın əsasını təşkil edən faktorlardandır və onun şəffaf keçirilməsi əsasdır. Bu prosesdə süni intellekt böyük rol oynayır. Seçkilərin əhali üçün əlçatan olması və onun təhlilində köməklik göstərir. Daha dərindən araşdırır, hər bir fikri analiz edir, dəyişən fikirləri ortaya qoyur və seçki prosesini asanlaşdırır.Eyni zamanda bu texnoloji yeniliklə siyasi partiyalar öz kampaniyalarını reklam vasitəsilə əhali arasında yaya bilir. Süni intellektlə siyasi partiyalar öz reklamlarını mesajlaşma vasitəsilə də ötürə bilir. Bununla da daha çox kütləyə çatmış olur. Bu yenilik əhalinin sosiallaşmasına və seçki proseslərində keyfiyyətli iştirakına səbəb olur.
Təhlükəsizlik və şəffaflıq seçki prosesində təmin olunmalıdır. Süni intellekt bu prosesi öz üzərinə götürərək xüsusi məlumat bazalarını izləyir və saxta seçkiləri, məlumatları anında tapa bilir. Şübhəli və qanunsuz fəaliyyətləri aşkar edərək onların izinə düşür, seçki prosesinin təhlükəsizliyini təmin edir. Bu texnologiya dövlətlərin işini xeyli asanlaşdırır və siyasi cəhətdən onlara kömək edir.
  Müsbət rolundan danışarkən süni intellektin seçki prosesindəki manipulyativ cəhətini də vurğulamaq lazımdır. Seçkilər zamanı insanları manipulyasiya edən informasiyalar ortaya çıxır ki, səsvermə dəyişsin. Süni intellekt bu məlumatları avtomatik bütün kütləyə çatdıra biləcək gücdədir.  Eyni zamanda ötürülən informasiyalarda sosial təbəqələşmə və ədalətsiz məlumatlarda süni intellekt vasitəsilə ötürülə bilər. Bu da seçki prosesində cəmiyyətin  manipulyasıyasına gətirib çıxaran haldır. Daha sonra isə seçkilərdə ədalətsilik və bərabərsizlik məsələsi ortaya çıxır, bu da geniş mübahisə məsələsinə çevrilir.
Risklərin aradan qaldırılması və təhlükəsizlik üçün süni intellekt üzərində nəzarət mexanizmləri qurulmalı, dezinformasiya və manipulyasiyanın qarşısı alınmalıdır.Məsul şəxlər süni intellektlə işləməyi bacarmalı və seçkilərin şəffaf, rahat keçirilməsinə nail olmalıdır. Eyni zamanda dövlət informasiya təhlüksizliyini təmin etməli və süni intellekt məsələsində əhali arasında maarifləndirmə aparılmalıdır.
Modernləşən dünyada seçkilərdə süni intellekt istifdəsi getdikcə artır. Lakin müsbət cəhətlərlə yanaşı öz mənfi faktorlarını da ortaya qoymuş olur.

Zaur Abdullayev