Qalmaqallı verlişlərə tələbat

Bölmə: Sosial › ,
Tarix: 12:50 02.04.2025

Son dövrdə televiziya dünyasında proqram kateqoriyasında qalmaqallı verlişlərə tələbat artıb. Bir çox faktorlar buna səbəb olur. İnsan psixologiyası burada böyük rol oynayır. Çünki bu cür verlişlər emosional təsir bağışlayır və izləyici kütləsi yığmağı bacarır.

Tamaşaçılara televiziya arxasında şok edici və həyəcan verici emosialar bağışlayan qalmaqallı verlişlər kütlə tərəfindən daha çox sevilməyə başlayır. Zamanla da reytinq artır. Qalmaqallı verlişlərdə gündəmdə və cəmiyyətin müxtəlif təbəqələrində əsasən də ailə məişətdə baş verəm gərginliklər müzakirə edilir. Ailə daxili mübahisələr daha çox maraq doğurur. Bu da verlişə olan tələbatı artırır. Ekranda baş verən drammatik hadisələr və səs effektləri ilə reallığa çevrilən qalmaqallı verlişlər müxtəlif sosial şəbəkələrdə də yayılaraq populyarlıq qazanır.
Qalmaqallı verlişlər insanlar üzərində psixoloji təsir göstərir. Tamaşaçılarda həyəcan və təbəssüm hissi yaradır. Bu tip verlişlər dəyərlərə təsir edə bilir. Verliş zamanı sosial təbəqələr arasında mübahisə zamanı qeyri-etik ifadələr, zorakılıq, nifrət nitqləri və digər xoşagəlməz hallar da yarana bilir. Zamanla da belə hadisələr “normal” qəbul olunur və nəticədə cəmiyyətin inkişafında mənfi təsir göstərir. İnsanlar çox zaman sensasiya axtarışında olur və axtardıqlarını qalmaqallı verlişlərdə tapırlar deyə belə verlişləri daha üstün tuturlar. Reytinq artdıqca həmin verlişlərin sayı da artır.
Verlişlər əyləndirməklə yanaşı, onların psixologiyasına və davranışlarına çoxşaxəli təsir edir. Verlişdə mübahisəli mövzular ortaya qoyulur və müzakirə edir hətta bəzən qalmaqala çevrilir. Burada yaranan gərginlik tamaşaçıya elə ötürülür ki, izləyici kütləsi gözünü qırpmadan gedişatı maraqla izləyir və həmin emosialara tez qapılır.
Araşdırmalar zamanı məlum olub ki, maarifləndirici, əyləndirici və digər formatlı televiziya verlişləri qalmaqallı verlişlər qədər izləyici tərəfindən maraqla qarşılanmır. Sensasiya doğuran formatlı verlişlərin izləyici kütləsi daha çox orta və yaşlı insanlardır. Verlişlərdə istifadə olunan səs effektləri, kadrlar, danışıq və səhnəciklər onlara daha tez təsir edir və inamlarını qazanır.
Televiziyalarda keyfiyyətli formatda verlişlər hazırlanmalı, cımiyyətə yararlı ola biləcək və onların problemlərini işıqlandıran televiziya proqramları qurulmalıdır ki, televiziya strategiyası geclü strukturlaşmış vəziyyətə gətirilsin. Bunun üçün layihə və tədbirlər keçirilməli, televiziya nümayəndələri hətta cəmiyyət arasında maarifəndirmə prosesi keçirilməlidir.

Zaur Abdullayev