Könüllü tibbi sığorta nədir?

Bölmə: Sosial › ,
Tarix: 21:49 02.04.2025

Son illərdə ölkəmizdə könüllü tibbi sığortaya müraciətlər artıb. Bəs könüllü tibbi sığorta nədir və necə fəaliyyət göstərir?

 

Mövzu ilə bağlı həkim-professor Adil Qeybullayev “İnformator.az”a açıqlamasında bildirib ki, könüllü tibbi sığortadan şəxslər müəyyən məbləğ ödəməklə könüllü şəkildə istifadə edə bilərlər:

 

“Qeyd edim ki, könüllü tibbi sığorta, tibbi sığortanın bir növüdür. Bu sığorta digər tibb xidmətləri kimi geniş sahəni əhatə edir. Hər bir şəxs müəyyən şərtlərə riayət edərək bu sığorta növündən istifadə edə bilər. Burada heç bir məcburiyyət yoxdur. Könüllü şəkildə hər kəs yararlana bilər. Könüllü tibbi sığortanın şərtləri müqavilə imzalayan şəxslə razılaşdırılır və sığortaya ehtiyac duyulduqda, bu xidmətlərdən necə istifadə ediləcəyi barədə məsləhətlər verilir. Bu sığortalanma vətəndaşın hesabına həyata keçirildiyinə görə, burada təşkilatlar əsasən vətəndaşdan gəlir. Bu baxımdan heç bir problem yaşanmır. Ölkə ərazisində istifadəsinə icazə verilən müayinə və müalicələrdən vətəndaş ehtiyac duyduqda könüllü sığortadan yararlana bilər. Könüllü tibbi sığorta yalnız İcbari tibbi sığorta tam qurulub, fəaliyyətə başladıqdan sonra inkişaf edə bilər”.

Səmayə Səftərova