Nəqliyyat Qanununda Yeni Güzəştlər və Əsas Dəyişikliklər

Bölmə: Sosial › ,
Tarix: 23:36 02.04.2025

 

 

"Nəqliyyat haqqında" Qanuna yeni güzəştlər əlavə olunub. Qanun layihəsinə əsasən, "Azərbaycan Dəmir Yolları" QSC və onun strukturuna daxil olan qurumlar öz fəaliyyət istiqamətləri üzrə müəyyən işlərin görülməsi üçün lisenziya və icazələrin alınmasından azad ediləcək. Lisenziya və icazə tələb olunmayan fəaliyyət növlərinin siyahısı isə qanun qəbul edildikdən sonra təsdiq ediləcək. 

 

Mövzu ilə bağlı nəqliyyat eksperti Aslan Əsədov "İnformator.az" a açıqlamasında bildirib ki, bu layihədən gözləntilərimiz çoxdur:

 

"Azərbaycan Dəmir Yollarının mükəmməl şəkildə qurulması üçün mütəmadi islahatlar aparılır. Bu islahatlar ölkənin inkişafına yox, daha çox regionun inkişafı üçün atılan addımlardır. Çünki ölkənin strateji mövqeyi, qonşuluq münasibətləri yeni reallıqlar ortaya çıxarır. Nəqliyyat sahəsində qanunlarda təsdiqlər olmasa, müəyyən ləngimələr ortaya çıxara bilər. Sənədin əsas mahiyyəti yaxın gələcəkdə dəmir yol infrastrukturunda işləyəcək maşın mexanizmləri, nəqliyyat vasitələri,onların istismarı, ölkəyə gətirilməsi daha əlçatan olacaq".

 

İlahə Həsənova