"Rəqəmsal məktəb" platforması

Bölmə: Sosial › ,
Tarix: 19:11 03.04.2025

Fevralın 7-dən etibarən ümumi təhsil müəssisələrində proseslərin elektronlaşdırılması çərçivəsində "Rəqəmsal məktəb" platforması istifadəyə verilib.

 

Mövzu ilə bağlı “informator.az”a açıqlamasında təhsil eksperti Cahid İmanlı bildirir ki, "Rəqəmsal Məktəb" platforması milli onlayn təhsil sistemi sayılır və gecikmiş belə olsa Elm və Təhsil Nazirliyinin ən uğurlu layihələlərindən biri kimi qiymətləndirilməlidir:

 

“Bu layihə İKT bacarıqlarına əsaslanan elektronlaşdırılmış təhsil sistemidir. Qeyd edim ki, hələ 2017-2018-ci ildən Nazirlik "Rəqəmsal bacarıqlar" layihəsinə başlayıb. Bu layihə üzrə 57 şəhər və rayon üzrə məktəb sayı 762, müəllim sayı 6 min, şagird sayı isə 510 minə çatdırılıb. Rəqəmsal məktəb layihəsi platforması bütün təhsil iştirakçılarını əhatə edir. Buraya həm şagirdlər, həm valideyinlər, həm müəllimlər, həm də direktorların çıxışı var. Layihə üzrə hazırda platformaya ibtidai siniflər üzrə 932 mövzu, 5,6,7-ci siniflər üzrə isə 367 mövzu yerləşdirilib. Bu proses davam etdirilir və siniflər üzrə davam edəcək. Platforma ənənəvi təhsillə paralel aparılır, amma müəyyən epidemik və digər səbəblərə görə ənənəvi təhsil mümkün olmayanda onu əvəz edə biləcək təhsil sistemi sayıla bilər. Layihənin üstün cəhərləri çoxdur. Burada şagirdlər üçün bütün mövzuların geniş və dərinləşmiş izahları verilir, test tapşırıqları və digər qiymətləndirmə, özünüqiymətləndirmə mövcuddur. Valideyinlər şagirdlərin dərs cədvəli, qiymətləri, davamiyyəti ilə tanış ola bilər. Müəllimlər artıq elektron jurnallardan istifadə edir. Ən əsası isə valideyinlər müəllim haqqında, məktəb haqqında, eləcə də müəllimlər şagirdlər haqqında rəylər yaza bilər. Bununla yanaşı təhsillə bağlı yeniliklər, elanlar da verilir. Bir sözlə layihədə olduğu kimi tətbiq edilməsi mümkün olarsa uğurlu layihələrdən birinə çevrilə bilər”.

 

Aysel Mirzəyeva