Daun sindromu
Bölmə: Maraqlı ›
,
Tarix: 22:33 03.04.2025
Daun sindromu 21-ci xromosom bir əlavə nüsxəsi olduğu genetik bir vəziyyətdir. Bu, insanda normalda 46 olan xromosom sayının 47 olmasına səbəb olur və bu da inkişafda müəyyən geriliklərə və bəzi fiziki xüsusiyyətlərə yol açır.
Mövzu ilə əlaqədar ekspert Roza Kazımlı “İnformator.az”a açıqlamasında bildirib ki, daun sindromu olan uşaqlarda hamiləlik dönəmində və ya ümumi xromosomların bölünmə dönəmində əmələ gələn xromosom anomaliyasıdır:
"Bu hadisə bəzi hallarda genetikdə ola bilər. Lakin çox zaman hamiləlikdə xromosomların bölünməsinin düzgün getməməsi zamanı yaranır. Bu hadisəni hamiləlik dönəmində bir çox testlərlə müəyyən etmək mümkündür. Bu tip uşaqların əsasən, əzələ zəifliyi, daha çox balaca və dar göz forması, burun sümükləri kiçik formada, əllər qısa, qarın şişkin, dişlər seyrək vəziyyətdə əsasəndə əzələləri boş olur. Uşağın ümumi inkişafı kimi dəyərləndirdikdə böyük və kiçik motorika ləng vəziyyətdə olur. Kiçik motorika ilə nitq bilavasitə əlaqədə olduğu üçün bu cür uşaqların nitqi də gec inkişaf edir. Ümumi anlamasındada digər uşaqlara nisbətən zəiflik olur. Bu cür uşaqların psixoloji və loqopedik dəstək alması vacibdir”.
Asiman Vəliyeva
