Empatiya insanı insan edən əsas bacarıqdır -Psixoloqdan şəxsi münasibətlər üçün tövsiyələr

Bölmə: Sosial › ,
Tarix: 22:43 04.04.2025

Empatiya — başqasının hisslərini, düşüncələrini və vəziyyətini anlayaraq onun baxış bucağından dünyaya baxmaq qabiliyyətidir. Bu keyfiyyət bizi sadəcə canlı varlıq deyil, əsl insan edən əsas dəyərlərdən biridir.

 

Bu fikirləri “İnformator.az”a açıqlamasında psixoloq Almara Ağaqızı bildirib:

“Empatiya, insanlar arasında körpü rolunu oynayır, münasibətləri möhkəmləndirir və cəmiyyətdə anlayış və həmrəylik yaradır. Empatiyası yüksək olan insanlar həm psixoloji cəhətdən daha sabit olurlar, həm də daha dərin mənalı sosial əlaqələr qururlar”.

 

Psixoloq empatiyanın insan psixikasa olan təsirlərindən də söz açıb:

“Empatiyanın insan psixikasına bir sıra təsirləri mövcuddur. Məsələn. stressin azalması, özünüdərkin formalaşması, şəxsi münasibətlərin güclənməsini qeyd edə bilərik”.

 

A.Ağaqızı həmçinin, münasibətlərdə empatiya bacarığını gücləndirmək yollarını da qeyd edib:

“Bədən dilinə diqqət yetirmək, özünüzü qarşı tərəfin yerinə qoymaq və onu dinləmək vacibdir. Hekayələr və filmlər, həmçinin duyğuları ifadə etməyi öyrənməklə də şəxsi münasibətlərdə empatiya hissini gücləndirmək mümkündür”.

 

Psixoloq sonda əlavə edir ki;

“Empatiya insanın psixoloji vəziyyətinə və şəxsi münasibətlərinə dərin təsir göstərən bir bacarıqdır”, - deyə o, yekunlaşdırıb.

 

Aytac Bakıxanova