"İsrail əksəriyyəti tələbələr olmaqla 17 mindən çox uşağı öldürdü"

Bölmə: Hadisə › ,
Tarix: 17:16 05.04.2025

Fələstin Təhsil Nazirliyi 2023-cü il oktyabrın 7-dən İsrailin Qəzza zolağında əksəriyyəti tələbə olmaqla 17 mindən çox uşağı öldürdüyünü açıqladı. 

 

Təhsil Nazirliyi "Fələstin Uşaqları Günü" münasibəti ilə bəyanat yayaraq, İsrailin hər il aprelin 5-də keçirdiyi hücumların ən böyük təhsil hədəfi olduğunu qeyd etdi.

 

 "İşğal qüvvələri məktəbləri yerlə-yeksan etdi. Uşaqların təhlükəsiz şəkildə məktəblərə getməsinə mane oldular. Xüsusilə Qəzza zolağı, Qüds və İordan çayının qərb sahilindəki "C" bölgəsində idarəsi və təhlükəsizliyi İsrailə buraxılan tələbələr gündəlik olaraq çətinliklərlə üzləşirlər",- dedi. 

İşğal altındakı İordan çayının qərb sahilində Cenin və Tülkərimdə, cənubda Hebron və Masafir Yattada uşaqların hər gün çətinliklərlə üzləşdiyi və təhsil hüquqlarından məhrum edildiyi vurğulanıb.

 

Bəyanatda həmçinin aşağıdakı ifadələrə yer verilib:

 

 

"Qəzzada 17 mindən çox uşaq şəhid olub, bu rəqəm uşaqların yaşadıqları faciənin dərinliyini əks etdirir, hər rəqəmin arxasında bir həyat hekayəsi, xatirələr və təcrübələr dayanır. Bütün bunlara baxmayaraq, Qəzzada olan uşaqlarımız təhsil hüququna sadiq qalırlar. Nazirlik daha yaxşı gələcəyin yeganə zəmanəti olaraq təhsil hüquqlarını qoruyub saxlayır".

 

Fələstinin rəsmi məlumatlarına görə, 2023-cü il oktyabrın 7-dən İsrailin Qəzza zolağına etdiyi hücumlarda ölənlərin 60 %-i uşaq və qadınlardır.

 

Mənbə: TRT Haber

Məhərəmli Xədicə