Azərbaycanda informasiya və rabitə sektorunda orta əmək haqqı artıb

Bölmə: Sosial › ,
Tarix: 21:01 15.04.2025

Bu ilin yanvar-fevral aylarında Azərbaycanda informasiya və rabitə sektorunda orta aylıq nominal əməkhaqqı 1 897 manat təşkil edib. Bu göstərici ötən ilin eyni dövrü ilə müqayisədə 15,7% artım deməkdir.

 

Caliber.Az xəbər verir ki, bu barədə məlumatı Dövlət Statistika Komitəsi yayıb.

 

Rəqəmlərə əsasən, dövlət sektorunda orta aylıq əməkhaqqı 1 568 manat olub ki, bu da ötən ilin göstəricisinə nisbətən 14,2 % çoxdur. Qeyri-dövlət sektorunda isə bu göstərici 2 144 manata çatıb və 16,2 % artım qeydə alınıb.

Martın 1-nə olan məlumata görə, informasiya və rabitə sektorunda muzdla çalışan işçilərin sayı 33,7 min nəfər təşkil edib. Bu da ötən ilin eyni dövrü ilə müqayisədə 3,4% artım deməkdir.

 

Mənbə :Caliber

Aytən Ağazadə