"Bank hesablarının açılması, aparılması və bağlanması Qaydası” dəyişib
Bölmə: Sosial ›
,
Tarix: 11:10 25.04.2025
Azərbaycan Mərkəzi Bankı (AMB) 4 fevral 2022-ci il tarixli qərarı ilə təsdiq edilmiş “Bank hesablarının açılması, aparılması və bağlanması Qaydası”nda dəyişikliklər edib.
"İnformator.az" "Report"a istinadən xəbər verir ki, bununla bağlı AMB-nin sədri Taleh Kazımov yeni qərar imzalayıb.
Qərara əsasən, xüsusi cari hesabların sayı 7-dən 9-a çatdırılıb. Yeni hesablar aşağıdakı kimidir:
- elektron pulun emissiyası və elektron pul ilə ödəniş əməliyyatlarının icrası ilə bağlı cari hesab - elektron pul təşkilatının “Ödəniş xidmətləri və ödəniş sistemləri haqqında” qanunun 3.1.5-ci maddəsində nəzərdə tutulan ödəniş xidmətini göstərməsi;
- elektron pulun emissiyası və elektron pul ilə ödəniş əməliyyatlarının icrası ilə bağlı olmayan digər ödəniş xidmətlərinin göstərilməsi üçün cari hesab - ödəniş təşkilatı və elektron pul təşkilatının “Ödəniş xidmətləri və ödəniş sistemləri haqqında” qanunun 3.1.1-3.1.4-cü maddələrində nəzərdə tutulan ödəniş xidmətlərini göstərməsi.
