Bakıda həbsxananın damı çöküb -Məhkum ölüb

Bölmə: Hadisə › ,
Tarix: 11:31 02.06.2025

Bakıda 12 saylı cəzaçəkmə müəssisəsində binanın dam örtüyünün uçması nəticəsində məhkum ölüb.

 

"İnformator.az" xəbər verir ki, bu barədə Ədliyyə Nazirliyindən bildirilib.

 

Bildirilib ki, iyunun 1-də saat 13:10-da 12 saylı cəzaçəkmə müəssisəsinin məhkumlar üçün nəzərdə tutulmuş yaşayış binasının dam örtüyü uçub. Nəticədə bir nəfər məhkum, Azərbaycan Respublikası Cinayət Məcəlləsinin 120.1-ci maddəsi ilə (qəsdən adam öldürmə cinayətinə görə) azadlıqdan məhrum edilmiş Mövlam Muxtar oğlu Mustafayevin iyunun 2-də aldığı xəsarətlərdən həyatını itirdiyi müəyyən edilib.

 

Hadisə nəticəsində digər məhkumlar və müəssisənin işçi heyəti arasında xəsarət alan olmayıb.

 

Faktla bağlı Bakı şəhəri Qaradağ rayon Prokurorluğu araşdırma aparır.