Güclü külək Bakıda 16 ağacı aşırıb

Bölmə: Hadisə › ,
Tarix: 11:15 03.06.2025

Dünən axşam saatlarından Bakıda başlayan güclü küləklə bağlı şəhər kommunal xidmətləri xüsusi gücləndirilmiş iş rejiminə keçib.

 

"İnformator.az" xəbər verir ki, bu barədə Bakı Şəhər Yaşıllaşdırma Təsərrüfatı Birliyi məlumat yayıb.

 

O bildirilib ki, güclü külək nəticəsində ağacaşma halları ilə bağlı 50 ünvandan müraciət daxil olub.

 

Müraciətlərin 16-sı ağacların kökündən aşması, digərləri isə iri budaqların qırılması ilə əlaqədar olub.

 

Birlik əməkdaşları sınan ağaclar kəsib, zədələnənlər budanıb, ərazi təmizlənib, fəsadlar aradan qaldırılıb.

 

Hazırda birliyin mobil qrupları şəhərin müxtəlif ərazilərində gücləndirilmiş rejimdə işlərini davam etdirir.