Paris partlayışında yaralıların sayı 50-yə çatdı

Bölmə: Hadisə › ,
Tarix: 18:02 22.06.2023

Parisdə bir binada dünən baş verən partlayışda yaralıların sayı 50-yə yüksəlib.

 

İnformator.az qərb mediasına istinadən xəbər verir ki, Paris Prokurorluğu partlayış nəticəsində 6-sı ağır olmaqla 50 nəfərin yaralandığını açıqlayıb. Prokurorluq bir nəfərin hələ də dağıntılar altında qaldığını və axtarış tədbirlərinin davam etdirildiyini qeyd edib.

 

Xatırladaq ki, Parisin 5-ci dairəsi merinin müavini Eduard Sivel Tvitter hesabında Val de Qreys məhəlləsindəki binada qaz sızması səbəbindən partlayış baş verdiyini bildirib. Paris Prokurorluğu isə  partlayışın səbəbinin hələ dəqiq bilinmədiyini və "qəsdən xəsarət yetirmə" səbəbi ilə istintaq başladıldığını açıqlayıb.

 

Fidan