Çində manqal restoranında partlayış: 31 nəfər ölüb

Bölmə: Hadisə › ,
Tarix: 22:25 22.06.2023

Çində mayeləşdirilmiş neft qazının dağılması nəticəsində çərşənbə günü manqal restoranınında partlayış baş verib.

 

İnformator.az "Şinxua" xəbər agentliyinə istinadən xəbər verir ki, ilkin məlumata görə, hadisədə azı 31 nəfər vəfat edib. Agentlik daha 7 nəfərin tibbi yardım aldığını və onlardan birinin vəziyyətinin "ağır" olduğunu bildirib.

 

Şinxua digər iki şəxsin ağır yanıq, iki nəfərin isə yüngül xəsarət aldığını açıqlayıb.

 

Çərşənbə günü yerli vaxtla saat 20:40 radələrində baş verən partlayış Ningxia muxtar vilayətinin paytaxtı Yinçuan şəhərinin mərkəzindəki Fuyang Barbecue Restoranında baş verib. Xilasetmə işlərinin cümə axşamı səhər saat 4-də başa çatdığı bildirilib.

 

Qeyd edək ki, sözügedən partlayış Çində üç günlük Əjdaha Qayığı festivalı ərəfəsində baş verib.

 

Fatimə