İsveçdə əyləncə parkında qəza: yaralılar var

Bölmə: Hadisə › ,
Tarix: 16:51 25.06.2023

İsveçin paytaxtı Stokholm şəhərində yerləşən əyləncə parklarının birində sürət qatarı relsdən çıxıb. Hadisə nəticəsində çoxlu sayda yaralının olduğu öyrənilib.

 

İnformator.az TRT Haber-ə istinadən xəbər verir ki, sürət qatarı təxminən 90 kilometr sürətlə 30 metr hündürlükdən relsdən çıxıb. Hələ ki dəqiq say deyilməsə də, hadisə nəticəsində çoxlu sayda insanın yaralandığı açıqlanıb.

 

Hadisədən sonra bir polisin verdiyi açıqlamada yerli vaxtla saat 13:00-da baş verən qəzada yaralananların vəziyyətini açıqlamağın tez olduğu bildirilib.