Hollandiyada fırtına: Ağaclar aşdı, uçuşlar ləğv edildi

Bölmə: Hadisə › ,
Tarix: 19:19 05.07.2023

Hollandiyanın şimal-qərb bölgəsində güclü fırtına nəticəsində Haarlem şəhərində 51 yaşlı qadın ağacın avtomobilinin üzərinə aşması nəticəsində həyatını itirib. Ölkədə bir çox reyslər və qatarlar ləğv edilib.

 

İnformator.az xarici KİV-ə istinadən xəbər verir ki, Hollandiya Meteorologiya İnstitutunun verdiyi açıqlamaya görə, ölkənin şimal bölgələrində həyəcan təbili çalınıb, əlverişsiz hava şəraiti ilə əlaqədar bir çox hava və dəmir yolu səfəri ləğv edilib. Şiphol hava limanının Twitter hesabından edilən açıqlamaya görə, güclü fırtına səbəbi ilə saat 09.00-16.00 arasında bir çox uçuş təxirə salınıb.

 

Açıqlamada yerli vaxtla saat 12:30-a olan məlumata görə, sözügedən reyslərin sayı 400-ü keçib.

 

Yayılan xəbərlərdə Haarlem şəhərində 51 yaşlı qadın avtomobilinin üzərinə ağac aşaraq həyatını itirib. Hollandiya Dövlət Dəmir Yollarının Twitter-dəki paylaşımına görə, saat 08:30-dan etibarən ölkənin əksər hissəsində yerə qatar reysləri ləğv edilib. Amsterdamın bir çox yerində təsirli olan fırtınada yıxılan ağaclar avtomobillərə ziyan vurub. Ölkədə bəzi magistral yollar da ağacların aşması səbəbindən bağlanıb.