Narkotik saxlamaqda və yetişdirməkdə şübhəli bilinən şəxslər saxlanılıb

Bölmə: Hadisə › ,
Tarix: 15:38 13.07.2023

Şəmkirdə narkotik saxlamaqda və yetişdirməkdə şübhəli bilinən şəxslər ifşa olunub.

 

İnformator.az xəbər verir ki, saxlanılan Anar Məmmədzadənin üzərindən qurudulmuş marixuana aşkarlanıb. Bundan başqa Zəyəm Polis Bölməsinin əməkdaşlarının keçirdikləri əməliyyat-axtarış tədbirləri nəticəsində rayonun Tatarlı kənd sakini Süleyman Abdullayevin özünə məxsus fərdi yaşayış evinin həyətyanı sahəsində xüsusi aqrotexniki qaydada qulluq etməklə əkdiyi narkotik xassəli çətənə - Kannabis bitkiləri götürülüb.

 

Əraziyə baxış zamanı oradan 70 ədəd çətənə kolu aşkarlanıb. Dindirilmə zamanı saxlanılan şəxs çətənə kollarını bir müddət əvvəl əkdiyini etiraf edib. Götürülmüş maddi sübutlar müvafiq ekspertizaya təqdim olunub. Faktlarla bağlı cinayət işi başlanılıb, araşdırmalar davam etdirilir.