İKİ AVTOMOBİL TOQQUŞDU, BİRİ İŞIQFORU AŞIRDI

Bölmə: Hadisə › ,
Tarix: 21:03 20.07.2023

Paytaxtın Nəsimi rayonu ərazisində yol qəzası baş verib.

 

Yol-nəqliyyat hadisəsi Cəlil Məmmədquluzadə küçəsi ilə Hənifə Ələsgərov küçələrinin kəsişməsində baş verib. Qəzaya avtomobillərdən birinin qırmızı işıqda keçməsi səbəb olub. Zərbəyə məruz qalan minik maşını işıqfora çırpılıb. Görüntülər anbaan müşahidə kameralarına yansıyıb.

 

Belə ki, C. Məmmədquluzadə küçəsi ilə gələn avtomobil işıqforu gözləməyərək qırmızı işıqda keçib. Nəticədə, H. Ələsgərov küçəsindən gələn avtomobili vurub və həmin avtomobil də idarəetməni itirərək qarşıda olan işıqfora dəyib.

 

Kəsişmədə olan işıqforlardan birinin əskilməsi sürücülər üçün müəyyən çətinliklər yaradıb. Işıqforun olmaması tıxaca səbəb olub.

 

Nəqliyyatın İntellektual İdarətmə Mərkəzindən verilən məlumata görə, yararsız vəziyyətə düşən işıqforun yeri artıq betonlanıb. Beton quruduqdan sonra yaxın 5 gün ərzində yeni işıqforun quraşdırılması nəzərdə tutulub. 

 

Zeynəb